Ла Лига. “Барселона” сафарда “Вильярреал”ни тор-мор этди
VILLARREAL, SPAIN - SEPTEMBER 22: Pablo Torre of FC Barcelona celebrates scoring his team's third goal with teammates during the LaLiga match between Villarreal CF and FC Barcelona at Estadio de la Ceramica on September 22, 2024 in Villarreal, Spain. (Photo by David Ramos/Getty Images)
Футбол бўйича Испания Ла Лигасининг 6-турида “Барселона” 22 сентябрь, якшанба куни “Вильярреал”га қарши баҳс олиб борди.
Урашувнинг 20-дақиқасида Роберт Левандовски ҳисобни очди. 35-дақиқада полшалик ҳужумчи дублни расмийлаштирди. Орадан 3 дақиқа ўтиб, “Вильярреал” футболчиси Перес ҳисобни қисқартирди. Биринчи бўлим 2:1 ҳисоби билан якунланди.
Иккинчи бўлимда ҳам каталонияликлар ҳужумкор ўйин намойиш этиб, 58-дақиқада Пабло Торренинг голи эвазига устунликни мустаҳкамлади. 74-дақиқада эса Рафинья ҳам ўз номини таблога ёздириб қўйди. 83-дақиқада эса бразилиялик футболчи ҳам иккинчи голига муаллифлик қилди.
Қолган дақиқаларда гол урилмади ва “кўк-анорранглилар” йирик ғалабани расмийлаштирди.
