Ғарбий Қирғоқдаги «тажовуз» Ғазодаги ўт очишни тўхтатиш билан боғлиқ
Фаластинлик ҳуқуқшунос Муҳаммад Даҳлеҳ «Ал-Жазира» телеканалига Исроил ҳарбийларининг босиб олинган Ғарбий Қирғоққа кучайтирилган ҳужумлари ҳақида сўзлади. Унинг айтишича, Нетаняху қуйидаги сабабларга кўра тажовузни давом эттирмоқда:
– Ғазода ўт очишни тўхтатиш тўғрисидаги келишувга қарши чиққан ва Нетаняху коалициясидан чиқиш билан таҳдид қилган молия вазири Безалел Смотрични тинчлантириш;
– Исроил Ғазода урушни қайта бошлаш учун баҳона сифатида фойдаланиши мумкин бўлган ҲАМАСни ҳарбий жавоб ҳаракатларига ундаш.
«Менимча, бу ўт очишни тўхтатиш тўғрисидаги келишув билан боғлиқлиги аниқ,» – деди Даҳлеҳ. «Улар Ғазода урушни давом эттиришни исташмоқда ва бунинг йўли Ғарбий Қирғоқда вазиятни кескинлаштиришдир».
