Трамп фармонидан кейин биткоин тушди
Энг машҳур криптовалюта – биткоин АҚШ президенти Доналд Трампнинг миллий криптовалюталар захирасини яратиш тўғрисидаги фармонидан кейин 100 минг доллардан пастга тушди.
Бу ҳақда Bloomberg 27 январь, душанба куни хабар берди.
Биткоин 6,5% дан кўпроққа тушиб, 98 минг доллардан пастга тушди. Шундан сўнг криптовалюта бироз ўз мавқеини тиклади ва ҳозирда 99 минг доллар атрофида сотилмоқда. Камайиш 5% дан ошади.
Жума куни Трамп Оқ уйга криптовалюта сиёсати бўйича маслаҳат бериш учун ишчи гуруҳ тузишга буйруқ берганидан сўнг биткоин қиймати пасайди. Бу гуруҳнинг вазифаси олти ой ичида АҚШда рақамли активлар учун меъёрий база таклиф қилиш ва криптовалюта захирасини яратиш имкониятини баҳолашдан иборат. Фармон АҚШнинг биткоин захирасини яратишини тасдиқламайди – бу Трамп сайловолди кампанияси пайтида ваъда қилган эди.
Умуман олганда, ноябрь ойи бошида Трамп сайловларда ғалаба қозонганидан бери биткоин қиймати 50 фоиздан кўпроққа ошди. Аввалроқ у АҚШни криптовалюталар бўйича жаҳон марказига айлантиришга ваъда берган эди.
