Трампнинг Ғазо бўйича таклифи Исроилнинг уруш давомида билдирган баёнотларига ўхшаш
Al-Jazeera: Ғазо секторининг шимолий қисмида 100 кундан ортиқ вақт давомида қамалиб қолган, ташқи дунёдан ажратилган, озиқ-овқат, сув, тиббий жиҳозлар ва бошқа зарур нарсалардан фойдаланиш имконияти чекланган кўп сонли аҳоли бор. Шунга қарамай, улар ўз ерларида қолишди.
Трампнинг АҚШнинг Ғазони назорат қилиш таклифига жавобан биз эшитаётган нарсалардан бири шуки – ер юзидаги ҳеч қандай куч фаластинликларни ўз ерларидан ҳайдаб чиқара олмайди.
Бироқ, бу каби баёнотларни [этник тозалаш ҳақида] биринчи марта эшитаётганимиз йўқ – биз уларни сўнгги 15 ой ичида бир неча бор эшитдик. Урушнинг дастлабки ҳафталари исроиллик сиёсатчилар, ҳарбийлар ва манзилгоҳлар аҳолисининг шундай баёнотлари билан тўлиб-тошган эди. Улар фаластинликларни қувиб чиқаришга очиқчасига ва уялмасдан чақирди.
Улар буни бошқача ном билан атади, уни «ихтиёрий кўчиб ўтиш» деб таърифлади, аммо аслида одамларни ўз ерларидан сиқиб чиқаришга мажбур қиладиган шароитларни яратди.
Шундай бўлса-да, кўчиб кетишга мажбур бўлган одамлар Ғазо шаҳри ва Ғазо шимоли, шунингдек Рафаҳ ва Хон Юнус шаҳарларидаги уйларига қайтиб келишди. Улар келажакдаги ноаниқликлар ва вақтинчалик тинчликнинг мўртлигига қарамай, вайрон бўлган ҳаётларини иложи борича қайта қуришга ҳаракат қилмоқдалар.
Чунки бу уларнинг ягона ватани, ягона бошпанаси, шу сабабли улар ўз ерларида қолишади.
