Филиппинда самолёт қулаши натижасида 4 киши ҳалок бўлди
Филиппин жанубида хусусий самолёт ҳалокатга учради. Ҳодиса оқибатида тўрт киши ҳалок бўлган.
Самолёт ҳалокати 6-февраль куни тушдан кейин йирик аҳоли пунктларидан узоқда содир бўлди. Самолёт бутунлай қулаб тушган. Филиппин ахборот агентлиги хабар беришича, маҳаллий аҳоли ҳалок бўлганларнинг жасадларини вайроналар остидан олиб чиқишган.
Авиация маъмурлари Beech King Air 350 самолётининг қулаши сабаблари ва ҳолатларини текширишни бошладилар. Ушбу самолёт 1963-йилда ишлаб чиқарила бошланган кичик умумий саёҳатбоп самолёт ҳисобланади.
