Калифорния губернатори Трампнинг режаларига қарши курашиш учун 50 миллион доллар ажратди
Калифорния губернатори Гэвин Ньюсом АҚШ президенти Дональд Трампнинг судда режаларига қарши курашиш ва мигрантларга ҳуқуқий ёрдам кўрсатишга қаратилган иккита қонун лойиҳасини имзолади. Бу воқеа штатнинг Америка етакчиси сиёсатига қаршилигини оширди, деб ёзади Bloomberg.
«Қонунчилик Калифорния Адлия Департаменти ва штат идоралари учун ҳуқуқий ресурсларни ўрнатади. Шунингдек, у фахрийлар, ногиронлар ва бошқа ҳимоясиз калифорнияликлар учун юридик хизматлар учун мавжуд маблағни оширади «, дейилади Ньюсом идораси баёнотида.
Нашрнинг қўшимча қилишича, АҚШ ҳукуматига қарши суд жараёнини бошлаш учун Калифорния бош прокурори Роб Бонта идорасига 25 миллион доллар ажратилади. Яна 25 миллион доллар ноқонуний муҳожирларга ҳуқуқий ёрдам кўрсатувчи ННТларга ёрдам бериш учун сарфланади.
Эслатиб ўтамиз, Дональд Трамп президентлик муддатининг 18 куни давомида Америкадан 11 мингдан ортиқ ноқонуний муҳожирни чиқариб юборган эди. АҚШ ҳукумати фақат Лотин Америкаси аҳолисини депортация қилиш учун тахминан 2 миллион доллар сарфлади.
