Трампнинг Путинга уч совғаси
АҚШ президенти Дональд Трамп қабул қилган бир неча қарорлар Россия етакчиси Владимир Путин учун қулайлик яратмоқда. Newsweek нашрига кўра, Трампнинг Халқаро жиноий судга чекловлар жорий қилиши ҳам Путинга қул келди. Суд аввалроқ Путинни ҳибсга олиш буйруғини чиқарган эди.
Шунингдек, Кремлга қарши санкциялар гуруҳи тарқатилди. Гап шундаки, АҚШ бош прокурори Мерик Бонди Путин ва унинг атрофидагиларга санкциялар жорий қилган “KleptoCapture” ишчи гуруҳини тарқатиб юборди.
Трампнинг кейинги совғаси бу – Кремль ва Хитойнинг яширин таъсирини чеклаш бўйича дастурларни бекор қилди.
Аввалроқ Трамп Путин билан телефон орқали гаплашганини ва миллий хавфсизлик бўйича маслаҳатчиси Майк Вальсга Украина можаросини ҳал қилиш бўйича музокаралар ташкил қилишни топширганини маълум қилган.
Трамп қайта сайлангандан сўнг бир қатор, сиёсатчилар тили билан айтганда, ахмоқона қарорлар қабул қилишни бошлади. Миграция масалалари, йирик ташкилотларга санкциялар эълон қилиш, молиявий ёрдамни чеклаш каби қарорлари нафақат Ғарбда, балки бутун дунё мамлакатларида норозилик келтириб чиқармоқда.
