АҚШ Туркманистонга айланиб бормоқда: Трампнинг туғилган кунини байрамга айлантиришни хоҳлашмоқда
Республикачилар Трампнинг туғилган кунини федерал байрам сифатида эътироф этишни таклиф қилмоқда. Республикачилар партиясидан сайланган конгрессменлар президент Трампга содиқликларини амалда исботлашга шошилмоқда.
АҚШ Конгресси Вакиллар палатасининг аъзоси Клаудия Тенни, ҳамкасби Эддисон МакдауЭлл томонидан тақдим этилган Даллес халқаро аЭропортига президент Доналд Трамп номини бериш тўғрисидаги қонун лойиҳасидан орқада қолмаслик учун, Доналд Трампнинг туғилган куни муносабати билан янги давлат байрамини жорий этишни таклиф қилди. Қонун лойиҳаси АҚШ Конгрессининг расмий веб-сайтида HR 1395 рақами остида рўйхатга олинган.
Теннининг таклифига кўра, АҚШ байроғи куни – 14 июнда нишонланадиган ва Трампнинг туғилган кунига тўғри келадиган сана – «Президент Доналд Трамп ва байроқ туғилган кун» деб аталиши керак.
У ўз ташаббусини «АҚШнинг замонавий тарихи учун ҳеч бир президент Доналд Трампдан муҳимроқ бўлмагани» билан изоҳлади. Шу билан бирга, у Трампни Вашингтон билан таққослаб, АҚШда бошқа президент – Жорж Вашингтон шарафига аллақачон федерал байрам мавжудлигини эслатиб ўтди (Вашингтоннинг туғилган куни кўпинча Президентлар куни деб юритилади).
«Трампнинг туғилган куни ва байроқ кунини федерал байрам сифатида белгилаш орқали биз Президент Трампнинг Америка буюклигига қўшган ҳиссаси ва Америка байроғининг аҳамияти қонунда абадий мустаҳкамланишини таъминлашимиз мумкин», деди у.
