Сенат диний соҳадаги давлат сиёсати концепциясини тасдиқлаш тўғрисидаги қонунни кўриб чиқади
20 февраль куни чақириладиган Олий Мажлис Сенатининг тўртинчи ялпи мажлисида фуқароларнинг виждон эркинлигини таъминлаш ва диний соҳадаги давлат сиёсати концепциясини тасдиқлаш тўғрисидаги қонун кўриб чиқилади. Бу ҳақда юқори палата матбуот хизмати хабар берди.
Концепция лойиҳаси 11 февраль куни Қонунчилик палатаси томонидан қабул қилинган, кейинроқ муҳокамалар асосида унинг 10 дан ортиқ бандига ўзгартиришлар киритилганди.
Маълумот учун, «Азон глобал» томонидан ўтказилган сўровномада кўпчилик ушбу лойиҳа билан яхши таниш эмаслигини, мутахассислар ҳам унинг мужмал равишда ишлаб чиқилганини айтиб ўтган.
