Кремл Трамп билан “азоб-уқубат” борасида ҳамфикр
Кремль Трампнинг «азоб-уқубат» ҳақидаги гапига қўшилди.
Кремль матбуот котиби Дмитрий Песков, Доналд Трамп ўзининг аввалги президентлик даврида Россияга қарши ҳақиқатан ҳам жуда кўп иш қилганини маълум қилди. У Америка президентининг сўзларини шундай шарҳлади.
Трамп ўз нутқларидан бирида ўзининг Россияга моил позицияси ҳақидаги айбловларни рад этиб, «Россияга азоб-уқубатдан бошқа ҳеч нарса келтирмаганини» таъкидлаган эди. Трамп ўз даврида Москвага қарши санкциялар киритилгани ва Киевга Жавелин ракета комплекслари етказиб берилганини эслатди.
«Ҳақиқатан ҳам, Трампнинг аввалги президентлик даврида кўплаб санкциялар киритилгани, Украинага қурол-яроғ етказиб бериш бошлангани ҳамманинг ёдида. Бу ҳақиқатдан ҳам шундай бўлган. Бу борада фақат рози бўлишимиз мумкин,» – деди Песков.
