Туркия MICE туризмини ривожлантириш учун дадил қадам ташламоқда
Туркия конференция, форум, конгресс, кўргазма, семинар ва анжуманлар (MICE) туризмида жаҳон стандартларига мос масканлари ва улардан узлуксиз фойдаланиш имконияти ҳамда мисли кўрилмаган меҳмондўстлиги билан глобал етакчи сифатида мустаҳкам ўрин эгаллади. Истанбул сўнгги йигирма йил давомида йирик конгресслар ва корпоратив тадбирларга мезбонлик қилиб, мавқеи халқаро MICE бозорида юксалмоқда.
Истанбул Глобал Конгресс манзили сифатида
Истанбул давлат-хусусий сектор ҳамкорлиги орқали дунёнинг етакчи конгресс йўналишларидан бири сифатида ўз мавқеини мустаҳкамлаш учун дадил қадам ташламоқда. Тендер жараёнини соддалаштириш, делегатлар иштирокини кучайтириш ва халқаро конгресслар учун кенг қамровли ёрдам пакетларини тақдим этиш мақсадида Туркияда MICE саноатининг асосий манфаатдор томонларини бирлаштирган янги стратегик ҳамкорлик бошланди.
Ушбу ташаббус Туркия Маданият ва Туризм вазирлиги, Туркия Туризмни танитиш ва ривожлантириш агентлиги (TGA), Истанбул шаҳар ҳокимлиги, Истанбул Савдо палатаси, Истанбул конвенцияси ва зиёратчи бюроси (ICVB), Турк ҳаво йўллари, Пегасус ҳаво йўллари, Туркия меҳмонхоначилар уюшмаси (TUROB) ва Истанбулнинг иккита йирик аэропорти (IGAW Истанбул аэропорти ва Сабиҳа аэропорти) томонидан бошқарилади.
Истанбул ушбу кучли иттифоқ билан MICE туризмига яхлит ёндашувни жорий қилмоқда ва бу халқаро тадбир ташкилотчиларига бизнес учрашувларини ўтказишда узлуксиз ёрдам олишларини таъминлайди. Ҳамкорлик қуйидагиларга қаратилган:
Осон тендер жараёни: Халқаро конгресс тендерларидаги ягона ва соддалаштирилган ёндашув тадбир ташкилотчиларига жараённи самарали ва хавфсиз бошқаришни таъминлайди.
Делегатларни қўллаб-қувватлаш ташаббуслари: Истанбулда ўтказилган конгрессларда янада кенгроқ глобал аудитория иштирокини таъминлаш учун махсус маркетинг ҳаракатлари ва стратегик кампаниялар олиб борилади.
Конгрессга ёрдам пакетлари: молиявий ва логистик имтиёзлар, реклама ёрдами ва Истанбулнинг энг яхши MICE манзили сифатида жозибадорлигини ошириш учун мослаштирилган шаҳар тажрибаси.
Ушбу ташаббуснинг муҳим жиҳати, барча ҳамкорларнинг Истанбулдаги йирик халқаро конгрессларни фаол кутиб олиши, қўллаб-қувватлаши ва уларга кўмаклашиши бўйича расмий мажбуриятларини ифодалайдиган Давлат-хусусий сектор саноати декларациясидир. Ушбу декларация Туркиянинг MICE учун такомиллашган, дўстона муҳит яратишга содиқлигини бидиради. Бу Истанбулнинг MICE пойтахти сифатидаги янги даврининг бошланишидир.
Нега Истанбул? Инновациялар, билимлар ва уланиш учун глобал марказ
Икки қитъани бир-бирига боғлаб турган Истанбул халқаро анжуманларни ўтказиш учун махсус қурилган конгресс марказлари, беш юлдузли турар жойлар ва улардан беқиёс фойдаланиш имкониятларига эга. Шаҳарнинг Конгресс водийси халқаро тадбирлар маркази бўлиб, тарихий жозибани илғор технологиялар билан уйғунлаштиради.
Дунёнинг энг жозибали шаҳарларидан бири бўлган Истанбул қитъалар, бозорлар ва саноатлар ўртасида кўприк бўлиб хизмат қилади. Икки халқаро аэропорти – Истанбул аэропорти ва Сабиҳа Гокчен аэропорти 560 дан ортиқ тўғридан-тўғри рейсларни амалга оширади, Истанбул глобал делегатлар учун узлуксиз киришни таъминлайди ва халқаро конгресс иштирокини осонлаштиради.
Фан ва инновациялар маркази
Истанбул ғояларни қўллаб-қувватлайдиган, инновациялар ва академик мукаммалликни рағбатлантирадиган шаҳардир:
– 60 дан ортиқ университетлар, етакчи илмий муассасалар ва дунёга машҳур олимлар
– Илм-фан, технология ва тадбиркорлик соҳасидаги инновацион кашфиётларни қўллаб-қувватловчи ривожланаётган экотизим
– Дунёга машҳур тиббиёт муассасалари ва шифохоналари тиббиёт конгресслари ва илмий алмашинув марказларига айланиб бормоқда
– Соғлиқни сақлаш, технология, молия ва барқарорликка эътибор қаратган Истанбул келажакни шакллантирмоқчи бўлган секторлар учун ажойиб платформани таклиф этади.
Бизнес, савдо ва саноат етакчилиги маркази
Истанбул энг тез ривожланаётган иқтисодий марказлардан бири сифатида халқаро бизнес раҳбарлари учун қарор қабул қилиш марказидир:
– Халқаро савдо ва инвестициялар учун глобал брендлар ва молиявий институтларнинг мавжудлиги,
– Сектор саммитлари ва глобал конгресслар фикр етакчилари, соҳа раҳбарлари ва сиёсатчиларни жалб қилади.
– Истанбул нафақат конгресс маскани, балки янги тармоқ яратиш, билим алмашиш ва ривожланиш учун динамик бозорга эга шаҳардир.
Анталия: йил бўйи MICE учун идеал маскан
300 кунлик қуёши билан сайёҳларнинг энг севимли манзилига бўлган Анталия айни вақтда дунёдаги энг яхши анжуманлар ва кўргазма марказларидан биридир. 300 дан ортиқ беш юлдузли меҳмонхоналар ва 175 000 дан ортиқ конгресс жойлари билан у Г20 саммити каби йирик тадбирларга мезбонлик қилган. Шаҳарнинг кенг сайёҳлик инфратузилмаси, ажойиб Ўрта ер денгизи пляжлари, қадимий харобалари ва нафис Ўрта ер денгизи таомлари шаҳарни энг яхши конгреслар манзилига айлантиради.
Бодрум: катта инвестиция
Ўзининг қирғоқ бўйидаги курортлари, мураккаб масканлари ва ҳашаматли турмуш тарзи билан машҳур бўлган Бодрум конгресс саёҳатлари учун идеал манзилдир. Бодрум Европа пойтахтларидан тўғридан-тўғри рейслари, Мишел қўлланмасида қайд этилган беназир таомлари, Мовий байроқли пляжлари, ҳашаматли харидлари ва кўк круизлари билан ажралиб туради. Бодрум American Express Travel компаниясининг “Trend Destinations 2024” рўйхатидан жой олган.
Измир: Эгейнинг бизнес маркази
Измир Туркияда ҳаёт сифати энг юқори шаҳар деб баҳоланган. ЮНEСКО рўйхатига киритилган Эфес ва Пергамон шаҳарлари жойлашган бўлиб, турли миқёсдаги тадбирлар учун илҳомлантирувчи муҳитни таъминлайди. Lonely Planetнинг “Энг яхши саёҳат 2024” рўйхатига киритилган Измир ўзининг жонли шаҳар ҳаёти, қирғоқ шаҳарлари билан ташриф буюрувчиларни мафтун қилмоқда.
Каппадокия: бутик манзил
Унутилмас тажриба қидираётганлар учун Каппадокия – орзу қилинган жой. Ўзининг ўзгача ландшафтлари, ғор меҳмонхоналари ва ҳаво шарларидаги саёҳатлари билан машҳур бўлган минтақа самимий учрашувлар ва эксклюзив корпоратив дам олиш учун ўзига хос муҳитни таклиф этади. Унинг бой тарихи, ер ости шаҳарлари ва ноёб табиий тузилмалари уни бутик (мода бўйича тадбирлар, тўй) тадбирлари учун ажойиб масканга айлантирмоқда.
