Неймарга «бўш чек» таклиф қилингани маълум бўлди

Неймарга Европа гигантлари сафида ўйнаш учун чексиз маблағ таклиф қилинган, аммо у муҳаббати туфайли буни рад этган.

Бразилиялик юлдуз Неймар «Реал Мадрид» клуби унга чекланмаган миқдорда пул таклиф қилганини, бироқ у буни рад этганини маълум қилди.

У бир пайтлар «Барселона»да дунёнинг энг буюк футболчилари қаторида бўлган – у ерда 2013-2017 йиллар оралиғида тўрт йил ўйнаган.

Бироқ «Ноу Камп»га ўтишидан олдин Неймарга азалий рақиблари сафига қўшилиш учун «бўш чек» таклиф этилган.

Яқинда у шундай деди: «Реал Мадрид»дан келган таклиф бўш чек эди, улар менга хоҳлаган нарсага эга бўлишим мумкинлигини айтишди… лекин мен «Барса»ни бутун қалбим билан севардим.

«Реал Мадрид»да мен уч баробар кўп даромад қилган бўлардим. Флорентино [Перес] мени доим ёқтирарди. Аммо у ерда [Барселонада] Роналдино ўйнаган эди ва мен Месси билан бирга ўйнашни хоҳлардим».

Шунингдек, Неймар «Барселона»нинг собиқ бош мураббийи Пеп Гвардиола кейинчалик уни «Бавария»га жалб қилишга уринганини тасдиқлади

«Гвардиола туфайли «Бавария»га ўтишга яқин қолган эдим,» дея қўшимча қилди Неймар