Путин: «Россия ҳеч кимга бўйин эгмайди»
Россия Украина билан урушда ҳеч кимга ён беришни ўйламагани ҳақида Россия Федерацияси Президенти Владимир Путин «Ватан ҳимоячилари» жамғармасининг Москвадаги филиали ходимлари ва ҳомийлик қилинаётганлар билан учрашувда маълум қилди.
Путиннинг таъкидлашича, Россия ўзи учун шундай тинчлик вариантини танлаши керакки, у мамлакат учун узоқ тарихий истиқболда осойишталикни таъминласин ва мамнун этсин.
«Бизга шундай вариант керакки, у тинчлик ва хавфсизлик шароитида мамлакатимизнинг барқарор ривожланишини кафолатлайди. Бизга бошқаларнинг ҳеч нарсаси керак эмас, аммо ўзимизникини ҳам ҳеч кимга бермаймиз,» – деди Россия Президенти.
Путин жанговар ҳаракатларни тўхтатиш шартлари сифатида Украина Қуролли Кучларининг Донетск, Луганск, Херсон ва Запороже вилоятлари ҳудудларидан олиб чиқилиши, шунингдек, Украинанинг НАТОга қўшилишдан бош тортишини кўрсатди.
