Россия ФХХ украиналикларнинг мамлакатга киришини 50 йилгача тақиқлашни бошлади
Бу ҳақда Тhe Moscow Times хабар бермоқда.
Россияга киритилмаган украиналикларнинг сўзларига кўра, бу амалиёт тизимли тус олган. Киришга рухсат берилмаганларга Россияга ташриф буюришни узоқ муддатга — 20 дан 50 йилгача тақиқловчи ҳужжатлар берилмоқда.
Россияга кириш тақиқлари де-факто Беларусга ҳам татбиқ этилади, чунки ушбу мамлакатнинг Ички ишлар вазирлиги ўз базаларини Россия Федерал хавфсизлик хизмати (ФХХ) базалари билан синхронлаштиради.
