Путиннинг сулҳ шарти: Украинага қурол етказиб бериш тўхтатилсин
Bloomberg: Путин Украинага қурол етказиб беришни тўхтатишни талаб қилди — бу унинг сулҳ келишуви доирасида қўйган шартидир.
Агентлик манбаларининг маълумотига кўра, Путин бу талабни 13 март куни Москвага ташриф буюрган АҚШ президентининг Яқин Шарқ бўйича махсус вакили Стив Уиткофф билан музокаралар чоғида илгари сурган.
Манбаларнинг таъкидлашича, Путин Украинага қурол етказиб беришни тўхтатишни сулҳ келишувини имзолаш учун асосий шарт сифатида кўрсатган.
Bloomberg’нинг Москвадаги манбаси эса бу тақиқ вақтинчалик эканини билдирган.
Кремлнинг режасига кўра, Украина кейинчалик ўз ҳарбий салоҳиятини чеклашга рози бўладиган тинчлик келишуви имзолангандан сўнг қурол етказиб бериш қайта бошланиши мумкин.
