Туркияда норозилик намойишлари бошланди

Туркияда мухолиф сиёсатчи Экрем Эмамўғлунинг ҳибсга олиниши ортидан норозилик намойишлари бошланди, деб хабар бермоқда ОАВ.

Маҳаллий матбуотнинг хабар беришича, минглаб одамлар, жумладан, талабалар ҳам норозилик намойишларига чиқишди. Ҳуқуқ-тартибот ходимлари уларни тарқатишда кескин чораларни қўлламоқда.

Эмамўғлу келгуси сайловларда Эрдоғаннинг асосий рақиби сифатида кўрилаётган эди. Бугун полиция ҳодимлари мухолиф сиёсатчининг уйига бостириб кириб, уни ҳибсга олди. Эмамўғлу коррупцияда гумон қилинмоқда.