Олимлар Ернинг айланишидан энергия олиш йўлини топди
Принстон университети, Калифорния технология институти ва Спестрал Сенсор Солутионс компанияси физиклари Ернинг айланиш энергиясидан фойдаланиб электр ишлаб чиқариш усулини таклиф қилишди.
Илгари бундай технология ҳақида илмий доираларда шубҳалар мавжуд эди, чунки яратилган кучланиш электронларнинг қайта тақсимланиши туфайли йўқолиши мумкин деб ҳисобланган. Бироқ, олимлар ушбу компенсацион ҳаракатни олдини олишга муваффақ бўлишди.
Тажрибада марганетс рух ферритидан ясалган цилиндр ишлатилди. У шимолдан жанубга 57° бурчак остида жойлаштирилди ва Ернинг магнит майдони билан перпендикуляр ўзаро таъсирга киришди. Қурилманинг учларига электродлар ўрнатилиб, ўлчовлар амалга оширилди. Натижада, 18 микроволт кучланиш ҳосил бўлгани қайд этилди.
Тадқиқотчилар барча ташқи таъсирларни, жумладан, ҳарорат фарқларини ва материал таркибининг таъсирини истисно қилишди. Натижалар қўшимча мустақил текширувларни талаб қилади, аммо агар тасдиқланса, бу Ернинг табиий ҳаракатидан энергия олиш имкониятини очиши мумкин.
Олимларнинг фикрича, агар технология етарлича ривожлантирилса, катта миқдорда электр энергияси ишлаб чиқариш мумкин бўлади.
