Маск нашавандми?
Конгресс: Маск гиёҳванд модда истеъмоли бўйича тестдан ўтиши керак.
АҚШ Демократик партияси вакили Майки Шеррилл янги қонун лойиҳасини ишлаб чиқди. Агар бу ҳужжат қабул қилинса, Президент Дональд Трампнинг иттифоқчиси, Ҳукумат самарадорлиги департаменти (DOGE) раҳбари Илон Маск ва унинг ходимлари гиёҳванд моддалар истеъмоли бўйича текширувдан ўтиши керак бўлади. Шу мазмундаги маълумотни “Axios” янгиликлар портали қонун лойиҳасига таяниб тарқатган.
Нашр ёзишича, демократлар “Вакиллар палатасига Трампнинг ўринбосари ва миллиардер Илон Маскни, шунингдек унинг қўли остидагиларни гиёҳванд моддаларга нисбатан стандарт текширувдан ўтказишга мажбур қиладиган хавфли қонун лойиҳасини киритмоқда”.
– Қонун махсус давлат хизматчилари, жумладан DOGE ходимларини ишга киришишдан олдин муайян текширувдан ўтишни талаб қилади, – деб ёзган портал. – Агар натижа мусбат чиқса, бундай ходим федерал хизматдан камида бир йил четлатилиши лозим. Бинобарин, мазкур ташаббус яқин орада қонунга айланиши даргумон, чунки Конгресснинг иккала палатаси ҳам, Оқ уй ҳам республикачилар назоратида.
2023 йил «Wall Street Journal» Маск кетамин қабул қилаётгани ҳақида мақола чоп этган эди. 2024 йил январда нашр янги манбаларга таяниб, Маск турли дори воситалари, хусусан кетаминдан фойдаланишда давом этаётганини ёзиб, бу одат нафақат ўз соғлиғи, балки унинг раҳбарлигидаги компаниялар учун ҳам жиддий оқибатга олиб келиши мумкинлигини таъкидлаганди.
