Ўзбекистон Россия ҳарбий техникасидан воз кечиб Хитойга юзланяптими?
Ўзбекистон ҳарбий-ҳаво кучлари базасидаги эскирган Су-27 ва МиГ-29 самолётлари ўрнига Хитойдан учоқлар сотиб олмоқчи.
Military Watch Magazine нашрининг ёзишича, Пекин Ўзбекистонга янги қирувчи самолётлар етказиб беришга розилик билдирган.
Келишувга кўра, Ўзбекистон JF-17 Block III, J-10C ёки ҳатто бешинчи авлод J-35 русумларидан бирини ёки бир нечтасини харид қилиши мумкин.
Таҳлилчилар, ҳукумат босқичма-босқич Россия ҳарбий техникасидан воз кечиб, Хитой технологияларига ўтишга интилаётганини таъкидламоқда.
Маълумот учун, Ўзбекистон аввалроқ ҳам Совет давридан қолган мудофаа тизимларини Хитойнинг HQ-9B, FM-90 ва KS-1C тизимларига алмаштирган эди.
