Россия Олий суди “Толибон” ҳаракатининг фаолиятини тақиқлаш қарорини вақтинча тўхтатди — “Медуза”
Март ойи охирида Россия Бош прокуратураси “Толибон”га қўйилган тақиқни вақтинча бекор қилишни сўраган эди. Олий суднинг тегишли мажлиси ёпиқ тарзда ўтказилди. Олий суд матбуот хизматининг хабар беришича, тақиқни тўхтатиш тўғрисидаги қарор дарҳол кучга киради.
“Толибон” ҳаракати Россияда 2003 йилда БМТ Хавфсизлик Кенгаши уни тегишли рўйхатга киритгач, «террористик ташкилот” деб эълон қилинган эди. Шунга қарамай, “Толибон” вакиллари Россияга ташриф буюриб, расмий шахслар билан учрашувлар ўтказиб келган.
