Ўзбекистон ўсмирлар терма жамоаси финалда!

Осиё кубогининг ярим финал босқичида Ўзбекистон У17 терма жамоаси КХДР билан баҳс олиб бориб, 3:0 ҳисоби ғалаба қозонди.

Учрашувнинг 31-дақиқасида Садриддин Ҳасанов ҳисобни очишга муваффақ бўлди. Орадан 10 дақиқа ўтиб рақибларимиз бир киши кам бўлиб қолди. Иккинчи бўлимнинг 62-дақиқасида Жамшидбек Рустамов ажойиб зарба билан ҳисобни 2 тага етказиб қўйган бўлса, 3 дақиқа ўтиб Абубакир Шукуруллаев орадаги фарқни йириклаштириб ўйин тақдирини ҳал қилди.

Вакилларимиз ушбу ғалаба орқали финалга йўл олди. Сўнгги учрашувда эса бизни Саудия Арабистони терма жамоаси кутиб турибди.