Наманганда боғча тарбиячиси 1,5 яшар гўдакнинг оёғини куйдириб қўйди
Болалар омбудсманига кўра, Поп туманида яшовчи аёл фарзандини вақтинча парвариш учун бошқа бир аёлга (тарбиячига) қолдирган. Бир неча соатдан сўнг болани олишга келганида, унинг оёғи куйганини аниқлаган.
Шундан сўнг, аёл фарзандини шифокорга олиб борганда, болага айни куйган пайти зудлик билан тиббий ёрдам кўрсатилмагани аниқланган. Шу туфайли она ва тарбиячи ўртасида низо юзага келган.
Маълумотларга кўра, мазкур боғча уй шароитида лицензиясиз ишлаган.
Ҳозирда ҳодиса бўйича барча ҳужжатлар ҳуқуқни муҳофаза қилувчи органларга юборилган.
