АҚШнинг янги сиёсати: Менинг кулбам четда
АҚШ президенти Доналд Трамп Америка қуролли кучларининг асосий вазифаси дунёда «қурол кучи билан» демократияни ёйиш эмас, балки ўз мамлакати чегараларини ҳимоя қилиш эканлигини маълум қилди.
«Биз қуролли кучларимизнинг асосий вазифаси ўз чегараларимизни босқинчиликдан ҳимоя қилишдан иборат бўлган фундаментал тамойилни қайта тиклаяпмиз,» – деди у Вест-Пойнтдаги (Ню-Ёрк штати) АҚШ Ҳарбий академияси битирувчилари олдида сўзлаган нутқида.
Америка раҳбари яна шундай қўшимча қилдики, «АҚШ қуролли кучларининг вазифаси бошқа мамлакатлар маданиятини ўзгартириш ёки қурол кучи билан бутун дунё бўйлаб демократияни ёйиш эмас.» Унинг сўзларига кўра, «Америка армиясининг мақсади ҳар қандай душмандан устун келиш ва Америка учун ҳар қандай жойда ва ҳар қандай вақтда ҳар қандай таҳдидни бартараф этишдир.»
