Франция Риверасида иккинчи бор электр таъминоти узилиши кузатилди
Франция Риверасида икки кун ичида иккинчи марта электр таъминоти узилгани ҳақида BBC хабар бермоқда.
Бунга ўтган тунда Нитссадаги трансформатор подстанциясида содир бўлган ёнғин сабаб бўлган. Ҳокимият буни атайин ёқиб юборилган деб ҳисоблаяпти. Бир кун олдин қўшни Канн шаҳрида ҳам электр таъминоти узилиши юз берган бўлиб, буни саботаж натижаси деб тахмин қилинмоқда.
Нитссадаги ёнғин якшанба куни маҳаллий вақт билан соат 02:00 атрофида бошланиб, камида 45 минг хонадонни электрсиз қолдирди. Нитсса полициясининг хабар беришича, шаҳарнинг ғарбий қисмида жойлашган подстанцияда автомобиль шиналарининг изи топилган, эшик эса «бузилган» экан. Электр узилишидан Нитсса аэропорти, трамвай тармоғи ва қўшни шаҳарлар ҳам зарар кўрди. Электр таъминоти эрталабгача тикланди.
