Трамп оиласига доир текширув юритилиши мумкин
Агар Демократлар партияси 2026 йилги оралиқ сайловларда АҚШ Конгрессининг камида битта палатасида кўпчиликнининг овозини қўлга киритса, партия президент Доналд Трамп ва унинг оиласига нисбатан тергов бошлаш ниятида эканлиги билдирилди. Бу ҳақда Конгресс вакили Жасмин Крокетт маълум қилди.
Крокеттнинг сўзларига кўра, терговнинг марказий нуқтасида Трампнинг Қатар қироллик оиласидан Boeing 747 самолёти каби қимматбаҳо совғани қабул қилганига оид ҳолат бўлади. Унга кўра, демократлар ушбу ҳаракат орқали президент қонунни бузган-бузмаганини аниқламоқчи.
Шунингдек, Трамп ва у билан боғлиқ шахслар томонидан тузилаётган бизнес битимлари ҳам синчиклаб ўрганилади.
Эслатиб ўтамиз, 14 май куни Доналд Трамп янги Boeing 747 самолёти АҚШ ҳарбий-ҳаво кучларига етказиб берилишини эълон қилган эди. У ушбу самолёт “шахсан менга совға эмас”, балки вақтинча Air Force One сифатида фойдаланилиши учун берилганини таъкидлаган. “Бундай совғани фақат аҳмоқ рад этади”, — деган эди Трамп ҳазил аралаш изоҳда.
