Бухорода икки киши 180 га яқин балиқни овлаб, табиатга 3,5 млрд сўмлик зарар етказди

Вилоят экология бошқармаси хабарига кўра,Пешкў туманида яшовчи 2 киши Қорақир сув ҳавзасида электр қармоқ билан балиқ овлагани аниқланган.

Улар 168 дона зоғора, 10 дона лаққа ҳамда 1 дона карас, жами 179 дона балиқни овлаган.

Оқибатда табиатга жами 3 млрд 532,5 млн сўм моддий зарар етказилган. Ҳозирда тегишли ҳужжатлар прокуратурага юборилган.