Машина устида салют учирган блогер 7 суткага қамалди
Ижтимоий тармоқларда Тошкент вилоятининг Юқори Чирчиқ туманида фуқаро машина устида пиротехника воситаларидан фойдалангани акс этган видео тарқалганди. Ҳолатга вилоят ИИББ ЙҲХБ расмий муносабат билдирди.
Қайд этилишича, тезкор-суриштирув тадбирлари натижасида ҳайдовчи ва қоидабузар шахс аниқланган.
Тошкент вилоятининг Юқори Чирчиқ туманида ҳаракатланиб кетаётган автомобил устига чиқиб, пиротехника воситасидан фойдаланган фуқаро жавобгарликка тортилди.
3 август куни содир бўлган ҳодиса видеолари ижтимоий тармоқларда тарқалган. Тезкор чоралар натижасида ҳайдовчи ва йўловчи аниқланди.
Суд қарорига кўра, 2004 йилда туғилган йўловчи 7 сутка маъмурий қамоқ жазосига ҳукм қилинди, ҳайдовчи 1 йилга ҳайдаш ҳуқуқидан маҳрум этилди ва 25 БҲМ миқдорида жарима тўлайди.
Маъмурий кодекснинг 128-10, 183 ва 185-1-моддалари асосида жавобгарлик белгиланди.
