Озарбайжон халқаро қидирувдаги ўзбекистонлик аёлни экстрадиция қилди
Озарбайжон ҳуқуқ-тартибот органлари томонидан қўлга олинган Ўзбекистон фуқароси мамлакатимизга экстрадиция қилинди.
Ўзбекистон Республикаси Бош прокуратурасининг маълумотига кўра, 38 ёшли аёл фирибгарлик ва ҳужжатларни қалбакилаштиришда гумонланиб, халқаро қидирувга берилган эди. Ўзбекистон томонининг расмий сўрови асосида Озарбайжон Бош прокуратураси уни жавобгарликка тортиш учун топшириш қарорини қабул қилди.
Аёлга нисбатан қамоққа олиш эҳтиёт чораси қўлланиб, у махсус кузатув остида мамлакатимиз ваколатли органларига олиб келинди.
