Фабио Каннаваро Ўзбекистон миллий жамоасида қанча маош олади?

Куни кеча ўтмишда машҳур бўлган италиялик футболчи Фабио Каннаваро келаси ёзда жаҳон чемпионатида иштирок этадиган Ўзбекистон миллий жамоасини бошқаришга розилик бергани ҳақида хабарлар тарқалди.

Россиянинг «Спорт-Экспресс» портали хабарига кўра, 52 ёшли мутахассис йилига 3,5-4 млн евро маош билан шартнома имзолайди. Ушбу сумма мураббийлар штаби харажатларини ўз ичига олади.

Эслатиб ўтамиз, Каннаваро ўз вақтида «Интер», «Ювентус», «Реал» ва бошқа клубларида тўп тепган. Фаолиятини якунлагач, италиялик мутахассис «Удинезе», Хитойнинг «Гуанчжоу» ва Загребнинг «Динамо» клубларида мураббийлик қилган.

Октябрь ойидаги танаффусда Ўзбекистон миллий жамоаси Кувайт ва Уругвайга қарши ўртоқлик ўйинлари ўтказади.