Тошкентда ўзини ДХХ ходими сифатида таништирган фирибгар қўлга олинди
Тошкент шаҳрида ўзини Давлат хавфсизлик хизмати (ДХХ) ҳамда Президент маъмурияти ходими сифатида таништирган фуқаро сохта ҳужжатлардан фойдалангани учун суд ҳукмига кўра, уч йил олти ой муддатга озодликдан маҳрум қилинди.
Пойтахт ички ишлар бошқармасининг маълум қилишича, ҳуқуқ-тартибот идоралари ходимлари томонидан ўтказилган тезкор тадбир давомида Яккасарой туманида “Ласетти” русумли автомобиль ҳайдовчиси тўхтатилиб, текширув чоғида у йўл патрул хизмати инспекторларига қалбаки ДХХ ходимини тақдим этган.
Сохта мансабни тасдиқлаш учун шахс “юқори лавозимли таниши”га телефон қилиб, ўзини озод этишни талаб қилган. Бироқ текширув натижасида тақдим этилган ҳужжатлар сохталиги аниқланиб, фуқаро қўлга олинган.
Тергув давомида у илгари ҳам фирибгарлик йўли билан ўзини давлат тузилмаларининг юқори лавозимли вакили сифатида таништириб, муаммоларни “ҳал қилиш” мақсадида қалбаки гувоҳномалардан фойдаланганини тан олган. Суд мазкур жиноятни исботланган деб топиб, унга 3,5 йил озодликдан маҳрум этиш жазосини тайинлади.
