Исроиллик ҳарбийлар энди фақат iPhone ишлатади
Исроил армияси подполковник ва ундан юқори унвонли ҳарбийлар учун хизмат телефонларида Androidдан фойдаланишни тақиқламоқчи. Юқори лавозимдаги офицерларга расмий алоқа учун фақат iPhone ишлатишга рухсат берилади.
Бу қарор киберҳужумлар хавфини камайтириш мақсадида қабул қилинмоқда.
Қарор ҳақида биринчи бўлиб Исроил армияси радиоси хабар берди, кейинроқ маълумотни The Jerusalem Post нашри тасдиқлади. Буйруққа кўра, подполковник унвонидан бошлаб командирларга хизмат вазифалари учун фақат iPhone’дан фойдаланишга рухсат берилади. Бу қурилмаларни бузиш ва юқори мартабали офицерларнинг телефонларидан нозик маълумотларнинг сизиб чиқиши хавфини камайтириш истаги билан изоҳланади.
Шу билан бирга, бу қарор Google’нинг АҚШ мудофаа секторидаги сўнгги ютуқлари фонида айниқса яққол кўринади. Сентябр ойида компания Pixel смартфонлари АҚШ Мудофаа вазирлиги (DoDIN) тармоғининг маъқулланган қурилмалари рўйхатига киритилгани ҳақида хабар берди.
