Мэттью Перрининг ўлимида айбдор шифокор қамалди
2025 йил 4 декабр куни Калифорнияда шифокор Сальвадор Пласенсия актёр Мэттью Перрининг ўлими иши бўйича 30 ой қамоқ жазосига ҳукм қилинди, деб хабар берди BBC. Шифокор машҳур «Дўстлар» сериали юлдузини ноқонуний равишда кетамин билан таъминлаган.
Судда Пласенсия қилган ишларидан чин дилдан афсусда эканини билдирди ва узр сўради. У буни ўз клиникасининг молиявий муаммолари ва катта миқдордаги пул васвасасига берилганлиги билан изоҳлади.
«Менинг қилган ишларга оқловим йўқ. Мен бўлган воқеаларни қайтариб тузатолмайман. Мен буни биламан. Мен уни ҳимоя қилишим керак эди, онаси айтганидек. Менда жуда катта афсус бор,» деди Пласенсия.
Шифокор тўртта айблов бўйича айбини тан олди. Ишдаги қолган тўртта гумондорга, жумладан Перрининг шахсий ёрдамчиси ва «кетамин маликаси» лақабли шахсга нисбатан ҳукм келгуси ойларда чиқарилиши кутилмоқда.
