Мудраётган Трамп: «25 йил олдинги ҳолатимдан анча тетикман»
АҚШ президенти Доналд Трамп 2-декабрь куни ўтказилган Вазирлар Маҳкамаси йиғилишида бир ярим соат мудраб ўтирди. Қизиқ томони, у йиғилиш аввалида ўзининг соғлиғи ҳақида гапирар экан, “25 йил олдинги ҳолатимдан анча тетикман”, деган эди. Бу ҳақда CNN хабар берди.
Трамп ўзидан олдинги президент Жо Байденни “уйқучи Жо” деб танқид қилиб келар эди. Сешанба, 2-декабрь куни тушдан кейин бошланган Вазирлар Маҳкамаси йиғилиши аввалида Трамп одатдагидек Байденни “уйқучи” деб эслаб ўтган.
“Трамп тетик, аммо The New York Times тетик эмас”, деган Трамп йиғилиш аввалида нашрнинг ўзи ҳақидаги танқидларига жавобан.
