Дунёнинг энг ёмон таомлари рейтинги эълон қилинди

TasteAtlas озиқ-овқат йўриқномаси дунёнинг энг жирканч таомларининг янгиланган рўйхатини эълон қилди.

Исландия таоми свид — очиқ оловда пиширилган ярим қўй боши — биринчи ўринни эгаллади.

Торраматур, шунингдек, Исландия таомлари иккинчи ўринни эгаллади. Ушбу анъанавий Исландия таомлари январь ойининг ўрталаридан февраль ойининг ўрталарига қадар истеъмол қилинади. Стандарт менюда ачитилган акула гўшти, дудланган қўзичоқ, қовурилган қўй боши, қонли колбаса ва бошқа кўп нарсалар мавжуд.

Кучли учликни Испаниянинг «Тручас а ла Наварра» таоми якунлаб берди. Бу анъанавий балиқ таоми форел, Серрано хамбон, ун, лимон, майданоз, зайтун мойи ва туздан тайёрланади.

Бошқа жирканч овқатлар орасида желе (Англия), чуқур қовурилган ипак қурти (Таиланд), ўрдак боши (Хитой), печенье салати (АҚШ), хом қон пудинги (Вьетнам) ва бошқа кўп нарсалар бор.