Зеленский Россия армияси қамал қилаётган Купянск шаҳрига келди
Украина президенти Владимир Зеленский Telegram каналида Харков вилоятининг “Купянск” шаҳрида олинган видеони эълон қилди.
«Бугун – Купянск йўналишидаман, бу ерда жангчиларимиз Украинага натижа олиб келмоқда. Кўплаб россияликлар Купянск ҳақида гапирмоқда, биз эса келиб кўряпмиз», — деди Зеленский.
20 ноябрда Россия Бош штаби бошлиғи Валерий Герасимов президент Владимир Путинга Купянск Россия назорати остига ўтгани ҳақида ҳисобот берганди. 2 декабрда эса Герасимов Путинга Россия ҳарбийлари Купянск ҳудудида қуршовда қолган Украина ҳарбийлари гуруҳини сиқувга олаётганини маълум қилганди.
“Медуза”нинг сўнгги ҳарбий шарҳига кўра, Украина Қуролли кучлари яна Купянскни эгалламоқчи бўлган Россия армиясига муаммолар яратишга муваффақ бўлган.
