Ўзбекистонлик уч нафар курашчи йилни жаҳон рейтинги пешқадами сифатида якунлади

Бирлашган кураш дунёси (UWW) декабрь ойи учун жаҳон рейтингини эълон қилди.

2025 йил якунларига кўра, юнон-рум кураши бўйича Ўзбекистон терма жамоасининг уч нафар курашчиси ўз вазн тоифасида жаҳон рейтинги етакчиси бўлди.

Рейтингининг биринчи ўрнида Алишер Ғаниев (−60 кг), Айтжан Халмаҳанов (−63 кг) ва Абдулло Алиев (−72 кг) жойлашди.