Владимир Путин икки боланинг янги йил орзусини рўёбга чиқарди

Катта матбуот анжумани ва тўғридан-тўғри мулоқот арафасида Россия президенти Владимир Путин иккита ўзига хос янги йил совғасини тақдим этди. «Россия-24» телеканали хабарига кўра, давлат раҳбари ўз мурожаатларида орзулари ҳақида ёзган икки боланинг эзгу тилакларини шахсан амалга оширди.

Шундай қилиб, 11 ёшли Владимир дзюдо билан шуғулланади ва у президентдан кўк рангли кимонони совғага олди. Олтойлик бола Егор эса ўта енгил самолётда парвоз қилди.

Маълумот учун, Владимир Путин билан навбатдаги жонли мулоқот 19 декабрь куни бўлиб ўтади.