Грета Тунберг Лондонда ҳибсга олинди
Грета Тунберг Фаластин тарафдори бўлган фаолларни қўллаб-қувватлагани учун Лондонда ҳибсга олинди, деб ёзмоқда ОАВ.
Хабарларга кўра, 23 декабр куни швециялик фаол Грета Тунберг Лондон марказида Фаластин тарафдорларини қўллаб-қувватлаш акциясида иштирок этаётган вақтида ҳибсга олинган.
Намойиш A City of London осмонўпар биноси олдида бўлиб ўтди. Полиция бинони бўёқ билан бўяб ташлаган акциянинг икки иштирокчисини ҳибсга олган. Шунингдек, полициянинг таъкидлашича, Грета Тунберг 2000 йилдаги Терроризм тўғрисидаги қонуннинг 13-моддасини бузган.
«Фаластин учун маҳбуслар» (Prisoners of Palestine) гуруҳи Тунбергнинг Palestine Action ҳаракатини қўллаб-қувватловчи плакат кўтариб тушган видеосини эълон қилди.
AFP хабарига кўра, фаолнинг плакатида шундай сўзлар ёзилган: «Мен Фаластин ҳаракати гуруҳидаги маҳбусларни қўллаб-қувватлайман. Мен геноцидга қаршиман.»
Шу йилнинг бошида Буюк Британия ҳукумати Palestine Action ҳаракатини террорчи ташкилот деб тан олган эди.
