Бола кимдан ўзи? Машҳур блогер футболчини қандай қилиб чув туширди?
Бразилия оммавий ахборот воситалари томонидан эълон қилинган ҳисоботда Испаниянинг “Реал Мадрид” клубининг собиқ ҳимоячиси Винисиус Тобиас билан боғлиқ кўнгилсиз воқеа тафсилотлари очиқланган. Маълумотларга кўра, футболчи фарзандининг исмини танасига татуировка қилдирган, бироқ хотинидан шубҳаланган футболчи фарзанд кимдан эканлигини аниқлашга уринган. Афсуски, ДНК тести натижалари у боланинг биологик отаси эмаслигини кўрсатган.
Тобиас таниқли блогер Ингрид Лима билан муносабатлари давомида ота бўлганлигига ишониб, ўз қўлига “Маите, мен сени севаман” деган ёзувни туширган эди. Бироқ, оталик масаласида шубҳалар пайдо бўлгач ўтказилган генетик экспертиза футболчи ва чақалоқ ўртасида ҳеч қандай биологик боғлиқлик мавжуд эмаслигини тасдиқлаган.
Маълумотларга кўра, Ингрид Лима ҳомиладорлик даврида уларнинг муносабатларида узилишлар бўлганлигини тан олган. Айни пайтда боланинг ҳақиқий отаси маҳаллий етказиб бериш хизмати ходими эканлиги тахмин қилинмоқда, дея ёзмоқда маҳаллий нашрлар.
