Президент ўз мурожаатида 2025 йилни мамлакат спорти учун тарихий йил деб атади
«Миллий футбол терма жамоамиз илк бор Жаҳон чемпионати йўлланмасини қўлга киритди.
Шунингдек, шахматчиларимиз ҳам халқаро майдонда муносиб иштирок этди. Айниқса, навқирон гроссмейстер Жавоҳир Синдоровнинг жаҳон кубогини қўлга киритиши бутун юртимиз учун катта фахр бўлди», — деди давлат раҳбари.
Шавкат Мирзиёев, шунингдек, 9–17 ёшли шахматчилар ўртасида ўтказилган рапид ва блиц бўйича жаҳон чемпионатида Ўзбекистон вакиллари 5 та олтин, 2 та кумуш ва 5 та бронза медалини қўлга киритиб, умумжамоа ҳисобида биринчи ўринни эгаллаганини таъкидлади.
