Украина президенти офиси мамлакатда сайлов учун пул йўқлигини билдирди
«Украинада сайловларни ўтказиш учун молиявий ресурслар йўқ. Объектив равиша биз сайловларни ташкил этишни эплолмаймиз, чунки бизда дефицитли бюджет бор», — деди Украина президенти офиси маслаҳатчиси Михаил Подоляк Novini LIVE нашрига берган интервюсида.
Унинг сўзларига кўра, ҳозирда бюджетнинг устувор йўналишлари – ҳарбий соҳа ва уй хўжаликлари учун иқтисодий йўқотишларини қоплайдиган ижтимоий дастурлар. Подоляк хорижда бўлган 6-8 млн украиналикнинг сайловда иштирок этиши масаласи билан махсус ишчи гуруҳ шуғулланиши кераклигини таъкидлади.
Украина Марказий сайлов комиссияси раиси ўринбосари Сергей Дубовикнинг маълум қилишича, 2019 йилдаги сўнгги президентлик сайловлари бюджетга қарийб 2 млрд гривнага тушган, бироқ ҳозирги шароитда ва инфлясияни ҳисобга олган ҳолда биринчи тур 4-5 млрд гривнага (94,8-118 млн доллар), иккинчи тур ўтказилганда эса 6,5-7 млрд гривнага (154-166 млн доллар) тушади.
