ИИББдан огоҳлантириш: қалбаки дистрибюторлар фаолиятига алданманг!
Огоҳлантириш бежиз эмас. Пойтахт ИИББда фуқаро Хайрулла Шокировга нисбатан йирик фирибгарлик бўйича жиноят иши очилган.
У турли платформаларда ўзини четдан салқин ичимликлар олиб кириш ҳуқуқига эга йирик дистрибютор сифатида кўрсатиб, фуқароларга катта даромад ваъда қилган.
Якунда эса у одамларга катта зарар етказган. Ҳозирда у гумонланувчи сифатида терговга жалб қилинган ва қамоққа олинган.
Хайрулла Шокировдан жабрланган фуқаролардан +998712064099, +998712064252 рақамларига ёки 102 қисқа рақами орқали мурожаат қилиш сўралган.
