Нима учун эркакнинг ўйда бемалол дам олиши аёлни ғазаблантиради?

Ҳар бир оилада таниш манзара: уйда юмушлар қалашиб ётибди, болаларнинг дарси тугамаган, лекин эркак киши диванда мутлақо хотиржам дам олмоқда. Кўпчилик аёллар бу вазиятда нега кучли стресс ва ғазабни ҳис қилишларини тушунмайдилар.

Тадқиқотларга кўра, аёлларнинг стрессига асосий сабаб фақат ювилмаган идишлар эмас, балки «ментал юклама»дир. Бу — уйдаги барча майда-чуйда ишларни режалаштириш, ташкиллаштириш ва доимий равишда хотирада сақлаш демакдир. Эркак киши жараёндан «ўчиб қолганда», аёл киши ўзини адолатсизлик қурбони ва когнитив оғирлик остида қолгандек ҳис қилади.
Аёл киши шеригининг дам олаётганини кўрганда, унда ички дисбаланс пайдо бўлади. У шунчаки иш эмас, балки масъулият фақат ўзининг елкасида қолганидан ваҳимага тушади. Бу вазиятда аёл миясида стресс реакциялари занжири ишга тушади, бу эса адолатсизлик ҳисси билан боғлиқ.

Олимларнинг таъкидлашича, уйдаги дисбалансни камайтириш учун фақат ишларни қилиш кифоя эмас. Энг муҳими:
— Вазифаларни умумий тушуниш: Ҳар икки томон нима иш қилиниши кераклигини билиши лозим.
— Кўринарли ҳаракат: Шерикларнинг ҳар иккиси ҳам ҳаракат қилаётганини бир-бирига кўрсатиши ҳиссий хотиржамликка олиб келади.
Аёл кишига эркакнинг дам олиши эмас, балки унинг «бепарволиги» ва «кўринмас ишлар»га эътибор бермаслиги оғир ботади.