Эрон АҚШга ўз талабларини билдирди

Уммонда бўлиб ўтган музокаралар чоғида Эрон Қўшма Штатлардан таҳдид ва босим сиёсатидан воз кечишни ҳамда мулоқотни давом эттиришни талаб қилди. Бу ҳақда Эрон ташқи ишлар вазири Аббос Ароғчи IRNA ахборот агентлигига берган интервьюсида маълум қилди.

Унинг таъкидлашича, ҳар қандай мулоқот учун асосий шарт — таҳдид ва босимдан воз кечишдир. «Биз бу талабни бугун ҳам очиқ айтиб ўтдик ва музокараларни давом эттириш учун унга қатъий риоя этилишини кутмоқдамиз», — деди вазир.