Нетаньяху Вашингтонда ҳужжат имзолади
Исроил Бош вазири Биньямин Нетаньяху Вашингтонда АҚШ Давлат котиби Марко Рубио билан учрашуви чоғида мамлакатнинг «Тинчлик Кенгаши»га (Board of Peace) аъзолиги тўғрисидаги расмий ҳужжатни имзолади.
Бу ҳақда Исроил ҳукумати маълумот тарқатди.
Қайд этилишича, «Блэр Хаус»да (Blair House) бўлиб ўтган учрашувда томонлар икки томонлама муносабатлар ва минтақавий масалаларни муҳокама қилишган. Учрашувдан сўнг Нетаньяху Исроил номидан «Тинчлик Кенгаши»га аъзолик ҳужжатига имзо чеккан.
Маълумот учун, шу йилнинг 16 январь куни АҚШ Президенти Дональд Трамп «Тинчлик Кенгаши» деб номланган халқаро ташкилот тузиш тўғрисида қарор қабул қилганини эълон қилган ва Озарбайжон Республикасини ушбу ташкилотнинг асосчи давлати бўлишга таклиф этган эди.
Эслатиб ўтамиз, 22 январь куни Давосда «Тинчлик Кенгаши Низоми»ни (Board of Peace Charter) имзолаш маросими бўлиб ўтган. Тадбирда иштирок этган Озарбайжон Республикаси Президенти Илҳом Алиев ва бошқа давлат ҳамда ҳукумат раҳбарлари «Тинчлик Кенгаши Низоми» ҳужжатини имзолаган эдилар.
