Нидерландиядан келган «ширинликлар» орасидан синтетик наркотик топилди
Божхона қўмитасига кўра, 20 ёшли фуқаро номига келган жўнатма текширилганда, ширинликлар ўрнига 1 кг 351 грамм «клефедрон» моддаси борлиги маълум бўлган.
Суриштирувлар давомида ушбу юкни қабул қилиши керак бўлган 36 ёшли шахс ҳам қўлга олиниб, унинг Яшнобод туманидаги хонадонида яширин нарколаборатория борлиги ҳам аниқланган.
Лабораториядан яна 5,3 кг синтетик наркотик моддалар ва уларни тайёрлаш ускуналари топилган.
