«Роналдо» киллер ёллади!.. (видео)
Андижонда тадбиркорни ёлланма қотил орқали ўлдирмоқчи бўлган шахслар ушланди
Маълум қилинишича, 4 февраль куни якка тадбиркор Ички ишлар бўлимига мурожаат қилиб, унга нисбатан суиқасд тайёрланаётганини маълум қилган. Унинг сўзларига кўра, беш нафар шахсдан иборат уюшган гуруҳ 1500 доллар эвазига уни ўлдириш учун қотил ёллаган.
Жиноий гуруҳ етакчиси — 1984 йилда туғилган, муқаддам бир неча бор судланган “Роналдо” лақабли шахс ёлланма қотилга пул берётган вақтда қўлга олинган. Тезкор тадбирлар натижасида гуруҳнинг бошқа аъзолари ҳам ушланган.
Ҳолат юзасидан жиноий гуруҳ аъзоларига нисбатан Жиноят кодексининг тегишли моддалари билан жиноят иши қўзғатилди.
