Эркак рашк туфайли аёли ва унинг боласини бензин сепиб ёқиб юбормоқчи бўлди
Россиянинг Романовка қўрғонида содир бўлган. 21 февралга ўтар кечаси 13 ёшли ўсмир полицияга қўнғироқ қилиб, ўгай отаси унга ва 38 ёшли онасига бензин сепгани ҳамда ёқиб юбориш билан таҳдид қилаётганини маълум қилган.
Фавқулодда хизматлар воқеа жойига етиб келганида, эркак қочишга улгурган. Аёл ва бола жабрланмаган.
Тез орада гумонланувчи қўлга олинди. Унинг сўзларига кўра, у хотинини вафосизликда гумон қилиб, шунчаки қўрқитиб қўймоқчи бўлган. Ҳозирда жиноят иши қўзғатиш масаласи ҳал қилинмоқда.
