Фермерлар 560 минг бош паррандани йўқ қилишга мажбур
Япониянинг Ивате префектураси расмийлари маҳаллий фермалардан бирида парранда гриппи эпидемияси аниқланганидан сўнг, тахминан 560 минг бош товуқ йўқ қилинишини эълон қилди. Бу ҳақда «Kyodo» агентлиги хабар тарқатди.
Маълумотларга кўра, эпидемия Канегасаки қишлоғида жойлашган паррандачилик фермасида аниқланган.
Таъкидланишича, кўрилаётган чора-тадбирларга қарамай, Японияда парранда гриппининг тарқалиши мунтазам характер касб этмоқда. Ҳар йили куз ва қиш мавсумида миллионлаб касалланган товуқлар йўқ қилинади.
