Кўролмаслар кўриб қўйсинлар!..

Ҳа-а, жа, эрта «кўмиб» юбординглар. Кулмаганларинг қолмаган эди. Энди қандай? Бу ёғи неча пулдан тушди?! Агар «Арсенал» чемпионлик учун борини бераётган экан, уни фақатгина «Ман Сити» тўхтатиб қолиши мумкин. Чунки, уни тўхтатиши мумкин бўлган куч фақатгина унда бор. Қолганларинг – ҳамманг ўйнаб бўлдинг, у билан.  Энди бу ёғига фақатгина бировларга ишонишларинг мумкин. «Ман Сити» эса ўзига ишонади. Бундай олиб қараганда, оралиқ масофа 2 очколигича турибди.  «Ман Сити» 28 феврал куни «Лидс» билан ўйнайди ва катта эҳтимол билан ютади. Ўшанда уларнинг ўйинлари бир хил бўлади. Кейинги ўйинларда ҳам айтайлик, ҳар икки жамоа рақибларни бирма бир ютиб кетаверса, масала ўзаро ўйинда ҳал бўлади. Ўшанда «Ман Сити» йиқилиб бўлса ҳам ютиши керак. «Арсенал»ни эса дурранг ҳам қаноатлантираверади… Бироқ шу билан мавсум тугамайди. Орада иккисидан биттаси қоқилса, чемпионлик алвидо!.. Шундай экан, зўри, маззаси ҳали олдинда. Биз «Ман Сити» ва у билан бирга Абдуқодирни чемпион бўлишини истаймиз. Лекин бошқа томондан олиб қараганда, «Арсенал»ни бу мартабага эришмаганига ҳам жуда кўп бўлиб кетди. Одамни уларга ҳам ичи ачийди…